Еден-два победа на Ред Бул во Шпанија, Мерцедес конечно со добар тркачки викенд
Актуелниот формула 1 шампион Мак Ферстапен триумфира на трката за Големата награда на Шпанија. Ова беше четврта победа за Ферстапен сезонава, а вкупно 24 во кариерата, и се искачи на првото место во генералниот пласман кај возачите со 110 бода, шест повеќе од Шарл Леклер од Ферари кој имаше големи проблеми со болидот и мораше да се откаже од трката.
We have a NEW championship leader 💪#SpanishGP @Max33Verstappen pic.twitter.com/YN8Z1NDDem
— Formula 1 (@F1) May 22, 2022
Ферстапен имаше големи проблеми на почетокот од трката кга излета од патеката и го загуби второто место, потоа имаше проблеми и со ДРС, но сето тоа успеа да го надмине и на крајот да дојде до победата.
За победата на Ферстапен, заслуги има и возачот на Ферари, Шарл Леклер кој во 27 круг кога беше лидер на трката, мораше да се откаже поради проблеми со моторот.
За Ред Бул да има успешен викенд се погрижи Серхио Перез кој го освои второто место.
Конечно добра трка имаа и возачите на Мерцедес, Џорџ Расел го освои третото место и тоа е прв подиум сезонава за младиот возач, додека Луис Хамилтон и покрај тоа што во еден момент беше последнопласиран, на крајот успеа да го освои петтото место.
Great effort from @LewisHamilton! 👏👏👏#SpanishGP @salesforce pic.twitter.com/AB2AppYMgk
— Formula 1 (@F1) May 22, 2022
Бодови во Барселона освоија уште и Карлос Саинс кој беше четврти, како и Валтери Ботас, Естебан Окон, Ландо Норис, Фернандо Алонсо и Јуки Цунода.
Следната трка во Формула 1 шампионатот ќе се вози наредниот викенд и тоа низ улиците на Монте Карло за ГН на Монако.