Познатиот пејач Ед Ширан се судеше со музичарот Сами Чокри кој тврдеше дека „Shape of You“ е плагијат на неговата песна „Oh Why“. Ширан и неговиот продуцент на неа годишно заработуваат пет милиони фунти.

Британскиот пејач Ед Ширан се спореше со уметникот Сами Чокри, кој е познат под името Сами Свич и неговиот музички продуцент Рос О’Доногју кој тврди дека одделни стихови од песната на Ширан премногу потсетуваат на стиховите во нивната песна „Оh Why“ од 2015 година. Тие го тужеа поради авторските права, а Ширан оваа песна ја издаде две години по нивната.

Ширан и неговиот адвокат тврдеа дека музичарот е „секогаш фер“ и дека никогаш претходно ја нема слушнато песната „Oh Why“.

Врховниот суд конечно пресуди во корист на Ед Ширан и утврди дека песната не е плагијат. Судијата Закароли наведе дека Ширан ниту свесно ниту несвесно ја копирал песната и дека постои голема веројатност тој воопшто да не ја ни слушнал таа песна пред да ја напише „Shape of You“, пишува BBC.