Британскиот поп музичар Ед Ширан во вторникот доби повеќе од милион евра отштета по победата во правната битка против авторите кои го обвинија за плагијат.

Случајот во високиот суд во Лондон 31-годишниот музичар го добил на почетокот на април, по процесот што тој го нарече индикатор за лоши практики што ја поткопуваат музичката индустрија.

 

View this post on Instagram

 

A post shared by Ed Sheeran (@teddysphotos)

Судот пресуди дека Ширан ниту „намерно“ ниту „несвесно“ не ја ископирал мелодијата на песната „Oh Why“ од 2015 година во неговиот хит „Shape of You“, еден од најпродаваните во светот.

Во дополнителната пресуда, донесена во вторникот, судијата Ентони Закароли пресуди дека тужителите мора да ги платат судските трошоци од 916.000 фунти.

 

View this post on Instagram

 

A post shared by Ed Sheeran (@teddysphotos)

За време на судењето, Ед Ширан ги отфрли обвинувањата дека ја „позајмил“ мелодијата од непознати композитори, а нивниот адвокат, признавајќи ја „генијалноста“ на британскиот пејач, го нарече „страчка“, мислејќи на птица која често се нарекува крадливка.