Е, затоа ќе го гледате Европското првенство на ТВ! – Слободен печат
СпортФудбал

Е, затоа ќе го гледате Европското првенство на ТВ!

Непосредно пред последното коло од квалификациите за пласман на ЕП 2020 година, имаше една интересна најава за дуелот меѓу Полска и Словенија.

Словенците во првиот натпревар во септември славеа со 2:0, а тогаш повеќе од самиот меч се зборуваше за изјавата која ја имаше голманот на Словенија, Јан Облак.

Тој, помеѓу останатото, рече како повеќе се уморил давајќи изјави после натпреварите отколку на самиот терен, а медиумите во Полска не пропуштија на тие зборови да го потсетат селекторот на Полска, Јержи Бжончек.

На конференцијата за медиуми не го штедеше Облак, па ниту Словенија.

– Облак е голман од светска класа, за неговите квалитети не треба да се трошат зборови, но очигледно му недостасува понизност. Можеби тоа е причина зошто ние ќе играме на ЕП, а Словенците ќе го гледаат пред ТВ екраните – рече Бжончек.

Полјаците успеаја да го обезбедат своето трето учество на континенталните собири.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close