Екипата на Еурофарм Пелистер и официјално го донесе првото засилување во 2021 година, тоа е нјдобриот египетски голман Карим Хандави кој ќе претставува големо засилување на голманските позиции.

Хандави потпиша договор и официјално ќе биде претставен веднаш по завршување на репрезентативните обрвски на Светското првенство. Хандави има 32 години, долго време е најдобар египетски голман и стандарден репрезентативец, а има искуство од настапи во Европа.

По Замалек, во шампионатот на Египет, Хандави помина две сезони во првакот на Турција, Бешикташ, а последен клуб за кој настапуваше е романската екипа Доброгеа Суд. Хандави доаѓа како слободен ракометар и ќе биде еден од ретките Африканци и само втор ракометар од Египет кој ќе го носи дресот на Еурофарм Пелистер.

Новиот голман на битолскиот клуб висок е 188 сантиметри и важи за импулсивен голман, со нескриен темперамент. Со египетската репрезентација освои злато на Африканскиот шампионат во 2016 година на домашен терен и во 2020 година во Тунис.

Клубот ќе го претстави во Битола по завршувањето на Светското првенство, кога ракометарот ќе се јави на тренинзите на Жељко Бабиќ.