Е. Пелистер против Татабања двата натпревари ќе ги игра во Битола

фото: Е. Пелистер

Екипата на Еурофарм Пелистер се договори со унгарскиот тим Татабања одложениот натпревар да се одигра во Битола.

Првично натпреварот требаше да се игра минатата година, на стартот од Лигата на Европа, но поради позитивни случаи на коронавирус во унгарскиот тим, натпреварот е одложен. Сега битолчани успеаја да се договорат со Татабања, двата натпревари да се играат во Битола, на 9. и 10. февруари.

„РК Еурофарм Пелистер ја информира јавноста дека постигна комплетен договор со екипата на Татабања од Унгарија двата натпревари од групата Д на Лига Европа да се играат во Битола. Натпреварите ќе се одиграат на 9 февруари во 20:45 часот и на 10 февруари во 17:00 часот“, соопшти Е. Пелистер.

Битолчани досега одиграа пет натпревари во Лигата на Европа и имаат скор од една победа, (Требње), едно реми (Кадетен) и три порази со што се наоѓаат на петтата позиција на табелата. Унгарскиот тим е последен на табелата во групата Д со четири порази во четири натпревари.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот