Ракометниот клуб Е. Пелистер се подготвува за својот втор натпревар оваа сезона во Лига Европа, во вторник во Швајцарија му гостува на Кадетен Шафхаузен.

Овој меч ќе стартува од 18.45 часот, а ќе го судат Германките Маике Мерц и Тања Кутлер.

Тренерот на битолската екипа, Хрватот Жељко Бабиќ вели дека противникот има голема традиција, кој е силен, трча многу и игра цврста одбрана.

Сигурно дека играме против сериозен противник против кого верувам дека ќе победиме. Одиме во Швајцарија со почит, но тоа е меч на кој можеме да победиме.

Немаме многу што да менуваме. Јосип Периќ ќе започне од првата минута. Сè други е горе-долу исто. Мора да одиграме добра одбрана, а ако сакаме победа, мора да бидеме далеку попрецизни во напад – рече Бабиќ.

Воедно клубот ја повикува македонската фаланга во Швајцарија да ја даде поддршката за Е. Пелистер и биде осмиот играч на нашата екипа.

 

View this post on Instagram

 

A post shared by RK Eurofarm Pelister (@rkeurofarmpelister)