Ракометарите на Е. Пелистер ја оправдата фаворитската улога во дуелот со Бутел и славеа со 26:29. Домашниот тим му даде силен отпор на фаворитот но немаше сили за изнедување, битолчани го контролираа натпреварот и на крајот дојдоа до осмиот триумф и останаа на три бода зад лидерот Вардар.
Победа оствари и екипата на Пролет кој го совлада вториот тим на Е. Пелистер и тоа со 27:25. На клупата на Пролет со победа дебитираше Зоран Кастратовиќ.
Претходно Вардар без поголеми проблеми дојде до лесен триумф над Охрид од 37:29.
Лидер на табелата по девет кола е Вардар со максимални 27 бодови, Е. Пелистер има три помалку, додека Пролет е третопласиран со 15 бода, а Металург и Бутел имаат по 11, Охрид има девет, додека на последните две позиции се наоѓаат Струга и Е. Пелистер 2.