Е. Пелистер ги промовира новите дресови и ги започна подготовките (ВИДЕО)
Екипата на Е. Пелистер денеска ги започна подготовките за новата сезона во која ја очекуваат настапи во домашните натпреварувања, во Лигата на Европа и во СЕХА Лигата.
Тренерот ЖељкоБабиќ во новата сезона ќе има видоизменет тим на располагање, ги нема Митревски, Јотиќ, Остроушко, Шевелев, Петровски, Кузманоски, а нови имиња се Мандалиниќ, Кушан, Мараш, Периќ, Костески, Кукуловски и Танкоски.
Битолчани в понеделник заминуваат на подготовки во Маврово, каде ќе поминат две недели. Потоа преку турнирски натпревари Жељко Бабиќ че ја бара формата на тимот. Предвидено е Еурофарм Пелистер да игра на турнирите во Струга и Атина.
Оваа сезона Еурофарм Пелистер ќе настапува во Лига Европа, а своите противници во групната фаза ќе ги дознае на 28 август.