Францускиот актер Лукас Браво, кој е најпознат по улогата на Габриел во популарната серија на Нетфликс, „Емили во Париз“, не е сигурен дали сака да се појави во петтата сезона од серијата. Оваа година излезе четвртата сезона од серијата, во која се појави нов љубовен интерес во животот на ликот Емили (Лили Колинс), италијанскиот бизнисмен Марчело (Еугенио Франческини).

Многу обожаватели беа разочарани од начинот на кој се однесуваше ликот на Габриел, а се чини дека нивното мислење го дели и самиот актер. Во неодамнешното интервју за „ИдниВајр“, тој го изрази своето незадоволство од насоката во која се развива неговиот лик и зборуваше за тоа како ја преиспитува својата одлука да учествува во петтата сезона од серијата.

„Секси готвачот беше голем дел од мене во првата сезона, а подоцна се оддалечувавме сè повеќе и повеќе поради изборот што го прави Габриел и насоката во која го водат. Никогаш не сум била толку поразличен од него како сега“, искоментирал Браво и додал дека Габриел „малку не е свесен за околината“ и „постојано е прикажуван како жртва“.

Браво не е сигурен дали сака да биде дел од петтата сезона на серијата. Тој смета дека ликот на Габриел моментално е манипулација на сите, поради што снимањето на серијата веќе не му е возбудливо.

„Снимањето престана да биде забавно за мене кога гледам како лик кој толку многу го сакам и кој ми донесе толку многу полека се претвора во нешто безлично. Не може многу да се направи во рамките на ограничувањата на сценариото. Се трудев години да внесеме нијанси, но немаме многу слобода на снимањето, не можеме да го смениме зборот или емоцијата. Тие точно знаат што сакаат, а ние само треба да се прилагодиме“, објаснил тој.

Поради сето ова, Браво не е сигурен дали воопшто сака да биде дел од претстојната петта сезона на серијата, која на Нетфликс се прикажува од 2020 година.

Вистинско изненадување за фановите: Брижит Макрон ќе се појави во четвртата сезона на „Емили во Париз“