ДЗС ќе добива на дневна основа податоци за новодијагностицирани лица по општините

Фото Архива на СП

Државниот завод за статистика интензивно работел со Комисијата за заразни болести и со Министерството за здравство додека се подготвувал протоколот за реализирање на претстојниот попис, а од следната недела почнува преку мој термин да ги добиваат на дневна основа сите новодијагностицирани случаи по општини, за да може да се планира начинот на нивното попишување, односно периодот во кој тие ќе бидат во изолација, кога излегуваат од изолација, каде живеат и како да се организира нивното попишување.

Ова го изјави Јасмина Ѓоргиева од Државниот завод за статистика на денешната прес – конференција одговарајќи на новинарско прашање дали имаат редовна комуникација со Комисијата за заразни болести, со оглед на тоа што состојбата со КОВИД – 19 се менува секој ден.

На прашањето колку домаќинства попишувачите на терен ќе имаат посетено во текот на истиот ден и колку време им е потребно да ги соберат сите информации во едно домаќинство, таа потенцира дека според протоколот секој попишувач ќе има обврска пред влегувањето во секое домаќинство да се дезинфицира.

–  Тоа значи дека треба да стави маска, да ги дезинфицира рацете и лаптопот и потоа да влезе во вашето домаќинство. Кога ќе излезе од вашето домаќинство повторно ќе го стори истото, така што семтаме дека почитувјаќи ги овие правиле нема причина за сомнеж да се случи можеби некој да го пренесе вирусот, појасни Јасмина Ѓоргиева од Државниот завод за статистика на денешната заедничка прес-конференција со  портпаролите на Владата на Република Северна Македонија, Душко Арсовски и Муамет Хоџа и портпаролот на Министерството за правда Александар Видиновски за претстојниот Попис на домаќинства и станови, активностите кои се во тек, како и осврт на пописот во дијаспората. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот