Џорџ Клуни и неговото семејство биле сведоци на страшните поплави во Италија: Беше многу полошо отколку што можете да замислите
Американскиот актер Џорџ Клуни се најде со своето семејство во катастрофалните поплави и лизгање на земјиштето што ја зафатија северна Италија во вторникот, а храбриот актер им помогна на локалните жители да ја решат катаклизмичната ситуација што е можно поскоро.
View this post on Instagram
Имено, познато е дека 60-годишниот Клуни летувал на езерото Комо, каде ја поседува вилата „Oleandri“ од 18 век.
„Беше многу полошо отколку што можете да замислите. Мислам дека би можеле да поминат години и ќе се потрошат милиони пред се повторно да се обнови“, изјави Клуни за италијанските медиуми, воедно понуди помош на градоначалникот на местот Лајло.
View this post on Instagram
Клуни бил виден во средата како им помага на жителите на Лајло (ит. Laglio) да ги исчистат урнатините од куќите, локалите и улицата.
„Овој град отсекогаш бил тука, ќе продолжи да биде тука, уште посилен и ќе се врати во уште подобро светло. Ова е многу издржлив град“, истакна актерот.
Клуни ја купил својата вила во 2002 година за околу 14 милиони долари. Вилата има 25 соби, кино на отворено и базен, пренесува „The Sun“.
Водата донела дрвја и камења од блиската планина во близина на вилата на Клуни, но актерот, неговата сопруга Амал и нивните деца имале голема среќа и поминале неповредени, а ниту нивниот имот не бил премногу оштетен.
View this post on Instagram
Повеќе од 60 луѓе биле спасени откако Лајло и другите градови околу езерото Комо биле поплавени кога екстремните временски услови ја погодија земјата.
„Четири куќи беа уништени, а на тие семејства им беше дадено алтернативно сместување“, изјави градоначалникот Роберто Почи.
„Бучавата и моќта на водата беа неверојатни. Никогаш не сум видел нешто слично. Ќе поминат неколку дена пред да се расчисти ова. Џорџ и неговото семејство се тука, а патот во близина на нивната куќа е непрооден на места, но тие се безбедни и немаше штета на нивниот имот“, додаде Почи.
