Американскиот актер Џон Траволта (70) гостуваше во поткастот „Beyond the Sale“, каде изјави дека актерката Марго Роби (34) е негова „колешка од соништата“.

„Марго Роби. О, Боже, можам само да сонувам. Едноставно, ја сакам и таа беше во една од моите омилени серии ‘Пан Ем’“, откри Траволта во интервјуто.

Да потсетиме, Роби ја доби својата улога во американската авијациска драма откако се пресели во Холивуд. Иако серијата траеше само една сезона, улогата на стјуардесата Лора Камерон ѝ даде поттик на кариерата во Америка.

„Првпат ја запознав на Оскарите пред две години и ѝ реков: „Ја гледав твојата серија ‘Пан Ам’. Беше навистина добра, ти беше навистина добра. Слушнав дека отсекогаш си сакала да бидеш стјуардеса’“, се присети тој на моментот кога ја запознал Роби.

„Таа рече: ‘Не! Отсекогаш сакав да бидам пилот!’“, раскажува актерот, кој е квалификуван пилот.

Инаку, Траволта почнал да учи да лета кога имал 15 години, а првата дозвола за летање ја добил во 1978 година, кога неговиот култен мјузикл „Брилијантин“ („Grease“) стана вистински хит во киносалите ширум светот.

ФОТО+ВИДЕО | „Каква бламажа!“: Џон Траволта заигра на Санремо, гледачите незадоволни од танцот