Американската пејачка Џеси Џеј објави дека на извесно време се повлекува од социјалните мрежи поради здравствената состојба, а своето збогување го сподели со 10 милиони обожаватели кои ја следат на Инстаграм.
„ Ќе исчезнам некое време од социјалните мрежи и ќе се фокусирам 100 проценти на себе и на решавање на она што се случува со моето тело“ – напиша таа во објавата.

Имено, Џеси веќе шест месеци се бори со Мајнерова болест, односно болест на внатрешното уво, која се карактеризира со напади на вртоглавица, гадење и повраќање, како и шум во увото и појава на глувост.

Џеси проговори за нејзината состојба во средината на август, кога опиша дека и било особено тешко, бидејќи болеста влијаела врз нејзиниот глас.

„Вчера се обидов да отпеам песна што вообичаено ја пеам со леснотија и не можев. Проблемот не е мојот глас, туку болеста која влијае на мојот глас. Плачев. Со часови. Си дозволив да го почувствувам делот што е скршен во мене, кој често го игнорирам, иако не би требало. Не помина ниту еден ден без болка во вратот и грлото шест месеци. Некогаш е подобро, некогаш е полошо“ – напиша тогаш, меѓу другото, и додаде дека се обидува да биде позитивна.

Во последниот пост, сепак, таа ги извести фановите дека ќе се повлече од социјалните мрежи, додека не и стане подобро.

„Ова го пишувам од љубов и почит кон обожаваелите кои ме следат и поддржуваат овде. Се гледаме“… – ја заврши таа објавата.

 

View this post on Instagram

 

A post shared by J E S S I E J (@jessiej)