Фудбалерите на Њукасл и по 14 кола се уште нема победа во Премиер лигата, откако вечерва одигра 1:1 против Норич и сè уште ја чека првата победа.

Најбогатиот клуб на светот по 14 кола останува закован на дното на табелата во Премиер лигата со скор од седум ремија и седум порази.

Работите тргнаа лошо за Њукасл уште од самиот почеток на натпреварот, во деветтата минута Кларк доби директен црвен картон. Сепак, во вториот дел, домашниот тим преку Калум Вилсон кој беше прецизен од белата точка поведе со 1:0, но во 79 минута Тему Пуки го израмни резултатот.

Екипата на Лидс со голот на Рафиња во третата минута од судиското продолжение го совлада Кристал Палас со 1:0.