Двојничката на Ким Кардашијан инвестирала милиони во естетки операции
Чали Д. Н. која живее во Лондон, потроши околу милион фунти на естетски операции за да изгледа како Ким Кардашијан.
Девојката покрај тоа што троши на дизајнерска облека, се обидува да го одржува младешкиот изглед со ботокси, филери и најразлични естетски корекции, иако истакнува дека нејзиниот пластичен хирург и пријатели ја замолиле „малку да забави“.
Во интервју за магазинот „Truly“, таа откри дека сфатила дека личи на Ким уште кога за прв пат видела нејзини фотографии.
„Почнав да ја следам и помислив дека личи на мене“, изјави таа, додавајќи дека тие имаат сличен став и дека сѐ што ќе види на неа сака и таа да го носи.
Повеќе од 4.000 фунти потрошила на фустанот што го носела Ким, додека за палто платила околу 7.000. Сепак, се чини дека нејзината најголема опсесија се чантите, на кои, како што вели, потрошила вистинско богатство.
„Јас секогаш морам да ги менувам и да бидам во чекор со Кардашијанс“, изјави таа, нагласувајќи дека нејзината професија е инфлуенсер, па затоа мора да ги следи сите модни трендови.
„Морам да ја менувам облеката секоја сезона, па потрошив цело богатство. Пријателите и семејството ми велат да „забавам“. Толку многу трошам на облека и на мојот изглед што сите секогаш се загрижени“, истакна Чали.
Ѕвездата на социјалната мрежа „Instagram“ има повеќе од 730.000 следбеници вели дека нејзините инвестиции се исплаќаат.
„Луѓето постојано ми велат дека изгледам како Ким. Секој пат кога ќе ме видат на улица, на забави или каде било. Тие секогаш ме прашуваат дали можат да се фотографираат со мене. Навистинами се допаѓа вниманието“, вели таа.
Како што вели, споредбата со Ким никогаш нема да ѝ здосади.
„Таа е најубавата жена на светот. Таа е деловна жена и е многу паметна. Таа е икона“, смета Чали.
Иако планира да продолжи со естетски корекции и козметички третмани со цел да го задржи својот изглед, таа вели дека не ја копира Ким намерно, туку едноставно изгледа така.
„Немав операција за да изгледам како Ким, само ботокс и филери, а тоа го прават сите“, вели инфлуенсерката.