ДВОЈНА КРУНА: Велкоски стрелаше за титула на Сараево! (ВИДЕО) – Слободен печат
СпортФудбал

ДВОЈНА КРУНА: Велкоски стрелаше за титула на Сараево! (ВИДЕО)

Фудбалерите на Сараево со победата од 4:0 против Звијезда во претпоследното коло од босанскиот шампионат стигнаа на тронот..

Веднаш после одигрувањето на натпреварот во Кошево на играчите на Сараево им беше врачен шампионскиот пехар, и тоа втор оваа сезона откако претходно го обезбедија и трофејот во националниот куп.

Македонскиот репрезентативец Крсте Велкоски придонесе во големиот успех на клубот, во триумфот над Звијезда го реализираше четвртиот гол на својот тим непосредно пред паузата во 43. минута од средбата.

Сите дилеми беа решени во текот на првото полувреме, претходно во листата на стрелците се запишаа уште Рахмановиќ, Хебибовиќ и Ахметовиќ.

Секако ова се и одлични вести за нашиот селектор Игор Ангеловски пред продолжението од квалификациите за Европското првенство наредниот месец.

Велкоски покажува многу добри перформанси оваа сезона во дресот на Сараево, во 30 мечеви има реализирано 11 погодоци.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close