Прва одлука против Македонија на Комитетот за елиминација на сите форми на дискриминација врз жените при Организацијата на обединетите нации (ООН) со која се утврди повреда на правото на еднаков третман и дискриминација врз основа на етничка припадност кај две жени од Шуто Оризари на кои им било оневозможено да добијат гинеколошки услуги и со која ООН препорачува дека државата треба да ги обесштети Ромките кои не можеле да си изберат матичен гинеколог, велат од Иницијатива на жени од Шуто Оризари.

Инаку жените од Шуто Оризари добија гинеколог во октомви месец годинава, откако Иницијативата на жени од Шуто Оризари побара од Министерството за здравство што побрзо решавање на овој проблем и поставување на нов гинеколог.

-Д-р Божидар Бошковски е искусен гинеколог, кој ќе се грижи за нивното здравје и ќе им биде на располагање на сите пациентки од оваа општина. Проблемот го решивме- рече своевремено министерот за здравство, Венко Филипче.

Министерот потенцираше дека најважно е тоа што пациентките отсега ќе можат навремено да ги извршуваат своите гинеколошки прегледи.