Во дербито на 25. коло во Премиер лигата, Тотенхем успеа со резултат 2:0 да биде подобар од Манчестер сити, и на некој начин направи „услуга“ на Ливерпул на патот кон титулата.

Португалскиот менаџер Жозе Мурињо кој оваа сезона го води Тотенхем повторно беше во центарот на вниманието.

„Специјалниот“ направи ново шоу крај аут линијата, а неговото однесување после нереализираниот пенал на Сити, за краток период стана хит на социјалните мрежи.

Mourinho’s reaction after being told Raheem Sterling is already on a yellow card is everything ???pic.twitter.com/FVTEGILxDt

— GiveMeSport Football (@GMS__Football) February 2, 2020

Сè се случуваше кога Љорис му одбрани пенал на Гундоган. Тогаш, на одбиената топка налета Рахим Стерлинг, кој после интервенцијата на францускиот голман падна и побара нов пенал.

Судијата Мајк Дин повторно покажа на белата точка, па дојде до вербален конфликт меѓу Стерлинг и Љорис.

Сето тоа Жозе го следеше со насмевка, седна на клупата, помошникот сигнализираше дека Стерлинг има веќе жолт картон, на што стратегот на Спарси бурно реагираше, се сврте кон четвртиот судија со намера дека играчот на „граѓаните“ треба да му биде покажен црвен картон.