ДВЕ НУКЛЕАРНИ ЗЕМЈИ НА РАБ ОД ВОЈНА ПОРАДИ КАШМИР
Индиската војска е крената во состојба на зголемена борбена готовност, откако во парламентот беше поднесен предлог закон со кој се укинува специјалниот статус на државата Џама и Кашмир..
Веста ја пренсе агенцијата Ани на Твитер.
Индиските власти веќе почнале со префрлање на дополнителен контингент од 8.000 војници во Џама и Кашмир.
Шефот на пакистанската дипломатија ја отфрли одлуката на индиската влада за укинување на уставната автономија на Кашмир, оценувајќи дека тоа претставува кршење на резолуцијата на ОН.
Телевизијата НДТВ јави дека од рано утринава воено-транспортни авиони префрлаат војници на аеродормот од престолнината на Кашмир, Сринагар. Телевизијата наведува дека војниците ќе го засилат контингентот од 35.000 војници што веќе сенаоѓа во Џама и Кашмир.
#BREAKING Pakistan condemns 'illegal' India step to abolish Kashmir special status pic.twitter.com/cuCA0V71IP
— AFP news agency (@AFP) August 5, 2019
Но, индиската агенција наведува дека целата индиска војска е крената до степен на зголемена борбена готовност.
Медиумите јавуваат дека илјадници Индуси аџии, кои тргнале во храмот Амарнат во Кашмир, се враќаат во своите домови, како што владата им препорача кон крајот на минатата недела.
Индиската полиција ноќеска ги уапси сите позначајни лидери на регионалните партии. Меѓу нив се и поранешниот главен министер на оваа држава, Мехбуба Муфти, како и лидерот на опозицијата во регионалниот парламент, Омар Абдулах.
Во еден дел од државата почнаа спонтани и стихијни протести на одлуката на индиската власт да се укине специјалниот статус на Џама и Кашмир.