Две лица загинаа во соoбраќајка на патот Штип-Крупиште

Сообраќајна незгода
Сообраќајна незгода /Фото: МИА

Две лица загинаа во тешка сообраќајна несреќа на новиот експресен пат Штип-Крупиште.

Надлежните од СВР-Штип потврдуваат дека несреќата се случила околу 16 часот на експресниот пат на четири километри пред штипската приградска населба Три Чешми.

Засега нема информации на која возраст се жртвите и од каде се. Познато е дека несреќата се случила при директен судир меѓу две возила со велешки и битолски регистерски таблички.

При несреќата има повредено и други лица, кои се хоспитализирани во Клиничка болница-Штип, при вадењто на повредените и двете жртви во несреќата интервенирале и штипските пожарникари.

Надлежните од СВР-Штип најавија дека подетални информации за денешнава трагедија на експресниот пат Штип-Крупиште ќе имаат во текот на утрешниот ден.

Според првичните информации од очевидци во несреќата загинале двајца велешани. Увид на местото на незгодата вршат полициски службеници и јавен обвинител од Штип.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот