Дванаест лица жртви на бурата во Бангладеш (ВИДЕО)

Фото: МИА

Бројот на загинати во циклонот Булбул во Бангладеш се зголеми на 12 лица, а петмина рибари се уште се водат како исчезнати, соопштија денеска официјални претставници на земјата.

Повеќето од жртвите одбиле да бидат евакуирани и настрадале откако врз нив паднале дрвја поради силниот ветер.

Еден рибар се удави, а петмина се водат како исчезнати откако вчера нивните чамци се превртеле поради силниот ветер и водната струја.

Властите соопштија дека се спасени 30 рибари, кои исто така се воделе како исчезнати.

Околу 6.000 домови се делумно или целосно оштетени. Засега не е пријавена поголема штета во камповите во југоисточниот дел на Бангладеш, каде живеат стотици илјади бегалци од Мјанмар.

Како што се наведува, брод денеска ќе замине кон островот Сан Мартин, каде останале 1.200 главно локални туристи, кои не успеале да се евакуираат.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот