Дванаесет министри веднаш ќе си поднесат оставка ако Борис Џонсон стане премиер на Британија
Околу 12 министри во Велика Британија се подготвени веднаш да поднесат оставка, во случај Борис Џонсон да стане нов премиер, пренесува таблидот „Сан“.
Според весникот, освен Маргот Џејмс, заменик-министер за дигитализација, која се повлече вчера, ќе заминат и министерот за финансии Филип Хамонд, министерот за правда Дејвид Гок, министерот за економија Грег Кларк, за Северна Ирска, Карен Бредли, како и неколку помлади министри.
„Сан“ го насочува вниманието на вчерашното гласање во Долниот дом, според кое ќе биде невозможно идниот премиер да го распушти Парламентот во текот на есента и непречено да овозможи излез на Велика Британија од ЕУ на 31 октомври – со или без договор.