Двајца мажи се шетале низ Куманово додека важел полицискиот час
Јавен обвинител бара од судот тие да бидат казнети со 50 дневни глоби, при што висината на една дневна глоба да биде определена на износ од 20 евра во денарска противвредност.
Основното јавно обвинителство од Куманово до судот во градот поднесе барање за парична казна против две лица, кои сеобвинети за кривично дело непостапување според здравствените прописи за време на епидемија.
Двајцата обвинети на 25 овој месец за време на полицискиот час со возило се движеле низ градот и со тоа не постапиле според прописите и наредбите со кои се определуваат мерки за сузбивање или спречување на заразната болест COVID – 19, односно не ја почитувале Одлуката за забрана и посебен режим на движeње на територијата на Република Северна Македонија.
За стореното кривично дело, јавен обвинител бара казната да биде 50 дневни глоби, при што висината на една дневна глоба да биде определена на износ од 20 евра во денарска противвредност.