Флорида е наречена „сончевата држава“ најмногу поради нејзината топла суптропска и тропска клима, но е позната и по константните невообичаени и интересни случки.

Овој пат Флорида постигна нов рекорд кога двајца ловци уловиле бурмански питон долг 5,71 метар, соопштија локалните власти.

Овој вид на змија е еден од најголемите во светот, а овој влекач тежок 47 килограми бил уловен во близина на Мајами.

Инаку, Бурманскиот питон на Флорида се смета за инвазивен вид кој бил донесен од Азија кон крајот на минатиот век.