Двајца фудбалери на Вардар пред преселба во Борац Бања Лука
Егзодусот од најтрофејниот македонски фудбалски колектив Вардар, се очекува да продолжи и во наредниот период откако клубот речиси сигурно ќе остане без лиценца за настап во европските купови.
Неодамна од Вардар си заминаа Марио Младеновски и Али Адем, а сега пред заминување се и Филип Најдовски и Дарко Мицевски.
Двоецот на Вардар се наоѓа пред преселба во Борац Бања Лука, јавуваат медиумите во БиХ.
Според босанските медиуми, Борац е во потрага во играч од среден ред и изборот падна на двоецот на Вардар кој се очекува во најскоро време да започнат преговори.
Мицевски има меѓународно искуство, претходно настапуваше во Белорусија,Либан и Србија, додека Најдовски целата кариера ја помина во македонски екипи носејќи го дресот на Цементарница, Напредок, Тетекс и Победа.