Коронавирусот се врати во македонскиот фудбал откако екипата на Македонија Ѓорче Петров потврди дека двајца нејзини играчи се позитивни на коронавирус, додека уште четворица се во изолација.

Фудбалерите претходно не полажувале симптоми на ковид-19 и моментно се наоѓаат во домашна изолација и се во добра здравствена состојба.
Поради позитивните случаи на коронавирус екипата одлучи да ги откаже пријателските натпревари против Работнички и Академија Пандев кои требаше да се играат наредната недела.

„Им посакуваме побрзо враќање на тренинзи на нашите два играчи позитивни на Ковид-19. Играчите се дома и во добра состојба и истите немаа никакви симптоми изминативе денови.
-ФК Македонија ЃП ги откажува пријателските натпревари со ФК Работнички и ФК Академија Пандев се до следната недела кога ќе имаме повторно тестирање на целата екипа да потврдиме дека сите сме негативни.
-Сакаме да покажеме одговорност и пример како треба сите клубови да се однесуваме во време на пандемија!
Апелираме до сите клубови да не играат натпревари без тестирање“, објави Македонија ЃП на својот официјална фејсбук страница.