Двајца војници загинаа во судир со милитанти во југозападен Пакистан

Пакистанска полиција
Пакистанска полиција / Фото: EPA-EFE/BILAWAL ARBAB

Двајца војници загинаа, а шестмина други беа ранети денеска во напад на милитанти во пакистанската југозападна провинција Балуџистан. Пакистанската армија соопшти дека меѓу ранетите има и еден офицер при силна размена на оган со напаѓачите, кои побегнале откако нивниот напад бил одбиен.

Во нападот се ранети и двајца цивили.

Војската не ги идентификуваше напаѓачите и засега ниту една група не ја презеде одговорноста за нападот.

Бунтовниците од Балуџистан извршија слични напади врз безбедносните сили во последните месеци.

Видео на денот