„Два во еден“, Академија Пандев со пресврт се врати на врвот
Се одигра дербито на четвртото коло во Првата македонска фудбалска лига, Академија Пандев со 2:1 славеше дома против Ренова.
„Гипсарите“ водеа после првото полувреме со погодокот на Јусуфи реализиран во 24 минута од средбата на стадионот „Младост“ во Струмица.
„Пандевци“ направија целосен пресврт во второто полувреме, најпрвин за израмнување се погрижи Стојчевски во 49 минута. А во 56 минута Велиновски се погрижи за потврда на третата победа по ред во шампионатот.
На табелата после четири кола со 10 бодови на првата позиција е Академија Пандев со 10 бодови, два повеќе од Струга Трим Лум.
По седум имаат Ренова, Шкупи и Работнички, шест Македонија ЃП, по пет Шкендија и Скопје, по четири Брегалница Штип и Борец, еден Тиквеш, а сеуште без бод е Пелистер.
Струга Трим Лум е изненадувањето во Првата лига, прв триумф за Шкендија