ДВА ТРИКА ЗА ВРЕЛИТЕ ДЕНОВИ: Еве како обичниот вентилатор да го претворите во МОЌЕН КЛИМА УРЕД!
Иако повеќето луѓе во овие врели денови денес спасот од жештините го бараат во клима уредот, постојат и оние кои, од било кои причини, не користат клима и исклучиво се ладат со помош на вентилатор.
Ако и вие спаѓате во групата на оние кои избегнуваат клима уред, а сакаат да се разладат, ви нудиме одлично решение. Постојат два едноставни трика кои од обичен, скромен вентилатор, ќе ви помогнат да направите моќен клима уред.
КОЦКИ МРАЗ
Се што треба да направите е пред вентилаторот да ставите широк но плиток сад и да го наполните со коцки мраз. Намесете го вентилаторот така што ќе дува директно во садот со мраз, бидејќи само така ќе добиете свеж воздух. Ова можете да го направите и со пластични шишиња кои сте ги наполниле со вода и сте ги замрзнале, и тоа ќе ви биде позгодно бидејќи побавно ќе се топи од коцките мраз.
МРАЗ ВО ПЕШКИР
Мразот или шишето со заледена вода можете да го замотате во пешкир, краевите врзете ги во јазол, па ставете го меѓу две столици и повторно поставете го пред вентилаторот. Само внимавајте под оваа инсталација да поставите и сад кој ќе ја собира водата што капе.