„Два од два“ за Барса и Химки во Евролигата! (ВИДЕО)
Барселона и вторпат по ред славеше на гостински терен. После Анадолу Ефес, каталонскиот состав триумфираше убедливо против Зенит со 63:87.
Русите добро го отворија мечот и изгледаше дека би можеле на крајот да дојдат до победата, но потоа во целост „исчезнаа“ во последните 10 минути, кога Барса со 28:7 го реши прашањето на победникот.
Кајл Кјурик со 24 поени беше прв стрелец во победничките редови, следен од Никола Миротиќ со 17 поени и 10 скокови, додека Виктор Клавер уфрли 12 поени.
Единствен „двоцифрен“ кај Зенит беше Воронов со 10 поени. Химки во Москва беше подобар од Басконија со 79:76, остварувајќи го така и вториот триумф во два меча од Евролигата.
Алексеј Швед реализираше 21 поени во тимот на Химки, а на спротивната страна „дабл-дабл“ учинок имаше Шенгелиа.
Евролига, 2 коло
Петок, резултати –
Химки-Баскониа 79:76
Зенит Петерсбург-Барселона 63:87
Анадолу Ефес-Алба Берлин 106:105, 95:95 (по 1. продолжение)
Олимпијакос-Валенсија 89:63
Олимпиа Милано-Жалгирис Каунас 85:81
Моментно на табелата по две максимални победи имаат екипите на ЦСКА Москва, Барселона, Лион-Вилербан, Химки и Реал Мадрид.