Пред 30 години беше на врвот на кариерата, но сè уште е една од најубавите актерки во Холивуд! (ФОТО)
Американската актерка Мишел Фајфер (62) е на сцената веќе неколку децении, а иако беше на врвот од славата пред скоро 30 години, и денес изгледа преубаво.
И покрај тоа што има 62 години и понатаму важи за една од најубавите актерки во Холивуд, а во последниот филм „Maleficent: Mistress of Evil“ во кој глуми заедно со Анџелина Џоли, покажа дека нејзината убавина може да се мери и со многу помладите актерки.
Мишел со улогата на Жена-мачка доби многу публика, а актерката која зад себе има три номинации за Оскар остана запаметена и по филмскиот класик „Dangerous Minds“ од 1995 година.
Има играно и во многу театарски претстави, а едно време паузирала од големите екрани за да се посвети на семејството и да се грижи за децата.
Актерката пред неколку години се врати во светот на глумата, па воодушеви со улогите во филмовите „The Wizard of Lies“ и „Murder on the Orient Express“ од 2017 година.
Легендарната холивудска актерка на 17 јануари оваа година купи нов имот и вила во Пацифик Палисад, елитниот дел на Лос Анџелес покрај океанот, кој моментално го реновира, а папараците ја забележале додека ги надгледува работите.
Откако скоро два месеци поминала во изолација поради пандемијата, таа неодамна ги посети работите на својот имот и во таа прилика изгледала перфектно за своите години.
Актерката со својот втор сопруг Дејвид Е. Кели купи имот во медитерански стил со големина од 10.300 квадратни метри за 22,5 милиони долари.