Дури 26 претседателски кандидати на изборите во Тунис – Слободен печат
ВестиПланета

Дури 26 претседателски кандидати на изборите во Тунис

Предвремените избори ќе се одржат на 15 септември и се организираат по смртта на првиот демократски избран претседател.

Туниската изборна комисија соопшти денеска дека ги одобри номинациите на 26 кандидати, меѓу кои и две жени, и отфрли 71 кандидатура за претседателските избори што треба да се одржат следниот месец.

Предвремените избори ќе се одржат на 15 септември и се организираат по смртта на првиот демократски избран претседател, Беџи Каид Есебси.

Меѓу кандидатите се и актуелниот премиер Јусуф Чахад, како и поранешниот премиер Мехди Џома, поранешниот туниски претседател Монцеф Марзуки, сопственикот на приватна телевизија Набил Каруи и многу други.

Единствените две жени меѓу кандидати се поранешната министерка за туризам Салма Луми и Абир Мози, поддржувач на поранешниот претседател туниски претседател Зин Ел Абидин бен Али, кој беше сменет за време на Арапската пролет во 2011 година.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close