Околу 10 милиони деца во Авганистан годинава се изложени на ризик од недостиг на храна, соопшти денеска хуманитарната организација „ Save the Children “, барајќи донации од 1,3 милијарди долари за помош.

„Нешто повеќе од 18 милиони Авганистанци, вклучувајќи и 9,7 милиони деца, имаат огромна потреба од основни средства за егзистенција, вклучувајќи и храна“, се вели во соопштението на АП.

Организацијата побара 1,3 милијарди долари донации за помош во 2021 година, а Крис Нијаманди, нивниот директор во Авганистан, рече дека населението во таа земја во моментов страда тројно повеќе од насилните конфликти, сиромаштија и пандемијата со вирусот.

Портпаролот на генералниот секретар на Обединетите нации, Стефан Џикариќ, најави дека во јануари ОН и нејзините партнерски организации ќе бараат 1,3 милијарди долари хуманитарна помош за 16 милиони Авганистанци, на кои таа им е потребна годинава.

– Тоа е очајно лоша состојба за која е потребно итно внимание од меѓународната заедница – рече тој.

Тој истакна дека станува збор за многу поголема бројка од онаа од минатата година, кога на 2,3 милиони луѓе им требаше помош за да ги спасат своите животи, истакнувајќи дек ситуацијата годинава е доста полоша.