Демократската Унија за Интеграција го коментираше потпишувањето на договорот за коалиционирање помеѓу Алијансата за Албанците и Алтернатива. Според нив од самиот почеток се гледа дека се работи за несериозна коалиција.

-Изјавата на Зијадин Села, дека го предизвикува лидерот на ДУИ во која изборна единица сака да се натпреваруваат, е повеќе од глупава изјава. Потсетуваме дека на локалните избори во 2017 година, Села изгуби во својот роден град, во Струга, тој никогаш не сноси одговорност за поразот, исто така не презеде одговорност и по двата изборни порази- се вели во реакцијата на ДУИ.

Според нив, денешната коалиција не е ништо повеќе од една мала група која исто како и во изборите во 2016 година, и на 12 април, прават пазар со албанскиот глас.

-Со тоа тие ја оштетуваат политичката позиција на Албанците во екзекутивот и во парламентот. Сепак, свеста на албанскиот електорат ќе ја идентификува злобата на таканаречената “билатерална коалиција“ и нема да дозволат да се повтори 2016 година- се вели во реакцијата на ДУИ.