ДС: Круцијална е стабилноста на државата во услови кога на Балканот се раздвижени екстремистите

Демократски сојуз / Фото: Архива на „Слободен печат“

Демократскиот сојуз укажува на потребата од единство без разлика на партиската, етничката или верската припадност, се со цел, во услови на војна од широки размери, да се заштитат виталните и националните интереси на Македонија и граѓаните.

„Кога наместо дипломатијата, зборува артилеријата, се нарушува мирот и стабилноста, а последиците се мултиплицираат. Ние мораме да апелираме војната да запре, но паралелно да се подготвиме дека таа ќе трае подолго и да обезбедиме институциите да дејствуваат во услови на криза и повеќе од тоа.

Вонредните мерки кои се преземаа за намалување на последицте врз стандардот на граѓаните и стопанството, мора да се обмислуваат и носат со широки консултации, да се следат ефектите од истите и да се прилагодуваат во од.

Круцијално прашање е стабилноста на државата во услови кога на Балканот се раздвижени екстремистите, посебно во БиХ, Косово и Србија, а Бугарија и натаму ја блокира Македонија да стане полноправна членка на ЕУ.

Затоа мораме да бидеме претпазливи и да соработуваме со нашите стратешки партнери и НАТО, а од Европската унија да бараме евроинтегративните процеси на Македонија да се одвиваат на брза лента, без одовлекување.

Единството, грижата за секое семејство, за секој човек е иманентна, нема потреба од популизам и партиска пропаганда.

Товарот на последици од војната мораме да ги понесеме сите и да се прилагодиме на можностите на државата.

Буџетот го полнат граѓаните и затоа тие имаат приоритет, но исто така, мора да функционира здравствениот систем, образованието, одбраната, да се одржува редот во државата, да течат реформите и да се сочува демократијата“.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот