13 C
Скопје

Државниот Инспекторат за животна средина со кривична пријава за насипување земја и шут во езерото кај Далјан

Поднесена е кривична пријава до надлежното Јавно обвинителство Охрид за нелегално насипување на земја и шут на брегот од Охридското Езеро во населба Далјан, соопшти денес Државниот Инспекторат за животна средина во врска со случајот од минатата есен кога камиони нелегално насипуваа тони земја на самиот брег на Охридското езеро, проширувајќи го на тој начин земјиштето. Во ноември, охридските активисти за животна средина ја алармираа јавноста дека камиони без ознаки интензивно исфрлаат земја директно во езерото на потегот помеѓу Хотел Далјан и Дом за стари лица во изградба.

ДИЖС утврди дека на површина од 964 квадратни метри на брегот од Охридското Eзеро и во самото езеро, фрлен е градежен шут и насипана е земја од ископ на темели од непозната локација. Во координација со Министерството за внатрешни работи, пронајден е сопственикот на земјиштето и против него е покрената кривична пријава.

Прочитајте и...  ВИДЕО | Ѓуровски за нон-пејперот: Обид за факторизација на Јанша како европски Трамп, Македонија мора да реагира поагресивно

Инспекторатот се повикува на мислењето на Хидробиолошки завод од Охрид дека нелегалното насипување на земја и шут на брегот од Охридското Езеро во населба Далјан има негативно влијание врз Охридското Езеро, особено врз квалитетот на водата и седиментот, врз живиот свет во езерото, неговиот биодиверзитет, оплитувањето и други негативни последици на овој значаен акватичен екосистем. Очекуваме Владата да ги задолжи Министерството за транспорт и врски и Општина Охрид да го отстранат насипот и да го санираат крајбрежјето, соопштуваат од ДИЖС, од каде потенцираат дека уништувањето на природното наследство е недозволиво и дека виновниците мора да сносат одговорност.

Поврзани вести

Навални е многу слаб, адвокатите бараат тој да биде пренесен во цивилна болница

Слободен печат

Богоевски: Прашањето со легализација на марихуаната се сведува на политичка борба помеѓу премиерот Заев и ВМРО-ДПМНЕ

Слободен печат

Фрчат кривични пријави за дело со кое се овозможи плата за илјадници граѓани

Возраста поважна од здравствената состојба – Хронично болните и лицата со ретки болести на опашката од редот за вакцинација

Слободен печат

Албанија: Комитетот на експерти објави дека заразените и лицата со симптоми нема да гласаат

Слободен печат

Исчезната е 70-годишна жена од Скопје, семејството бара помош

Слободен печат

Остави Коментар