Државата Оклахома со ултиматум за НБА тимот: Доколку клечат на интонирање на химната ќе плаќаат поголем данок
На властите на Оклахома не им се допаѓа тоа што комплетниот тим се вклучи во борбата против расната нееднаквост.
Владата на американската држава Оклахома му се закани на НБА тимот Оклахома сити тандерс дека ќе ја преиспита одлуката за даночни олеснувања за клубот бидејќи кошаркарите и тренерите иако беа предупредени да не го прават тоа, клечеа при интонирање на американската химна пред натпреварот со Јута.
Jazz and Thunder all kneel for the national anthem. One referee remains standing. pic.twitter.com/hFMoq9hVNl
— Eric Walden (@tribjazz) August 1, 2020
Властите во Оклахома сметаат дека тој гест е „анто-патриотски“ и дека со него е искажано непочитување кон американската застава.
Поради тоа сенаторот од Оклахома, Шон Роберт му порача на тимот дека ќе ја преиспита одлуката тандерс да има одредени,а не мали даночни олеснувања.
– Доколку челниците на Оклахома сити тандерс и играчите се приклучат на трендот во НБА лигата така што ќе клеќат за време на интонирање на американската химна, можеби ние треба да ги преиспираме даночните олеснувања кои државата Оклахома му ги гарантираше на НБА тимот кога пристигна во овој град – порача Робертс.
Оклахома сити тандерс од 2008 година игра во овој град откако тимот се пресели од Сиетл.
– Само да потсетам дека НБА тимот има договор со нашата држава до 2024 година и дотогаш има договор и за даночни олеснувања – предупредува Робертс.
