Репрезентацијата на САД, дефинитивно нема да настапи со најсилниот состав на Светскотко првенство во Кина. Селекторот Грег Попович, денеска остана без уште еден кошаркар кој требаше да биде еден од носителите на играта на Мундобаскетот, Бредли Бил.

Кошаркарот на Вашинготон визардс одлучи да не биде дел од репрезентацијата на САД бидејќи не сака да го пропушти раѓањето на своето дете кое треба да се роди на крајот на август, во време кога ќе започне и Мундобаскетот во Кина (31 август – 16 септември).

Претходно својот настап на СП во Кина го откажаа уште и Ентони Дејвис и Џејмс Харден, а во текот на викендот тоа го сторија и Си Џеј Меколум и Ерик Гордон.

Селекторот Попович иако нема да смета на најсилниот состав, сепак има тим кој ќе биде главен фаворит за златниот медал благодарение на Демиен Лилард, Кемба Вокер, Џејсон Тејтум, Демар Дерозан, Ламаркус Олдриџ…