Легендарниот италијански тренер Карло Анчелоти (менаџер на Евертон) го прифати предизвикот и ги одбра најдобрите 11 играчи кои ги тренираше во својата кариера.

Интересно е тоа што во овој идеален тим го нема Кристијано Роналдо кој го тренираше во Реал Мадрид.

На голманската позиција е Буфон со кој соработуваше во Јувентус, во одбраната се екс играчите на Милан, Малдини, Тиаго Силва и Кафу, како и Џон Тери на кој му беше менаџер во Челзи.

Потоа, во средниот ред се Зидан кој го тренираше во Јувентус, Лампард од Челзи, како и уште двајца играчи на Милан, Кака и Пирло.

Во нападот e Златан Ибрахимовиќ (заедно беа во ПСЖ), а тука е уште една легенда од „златната ера“ на Милан, Андриј Шевченко.

Анчелоти имаше слава и со Реал Мадрид и со Челзи, но најмногу успеси имаше со тимот на Милан, двапати ја освои Лигата на шампионите, како и УЕФА Суперкупот, а по еднаш Серија А, Купот и Суперкупот на Италија и ФИФА Светското клупско првенство.