Дресот кој Мајкл Џордан го носеше во финалето против Јута продаден за 5 милиони долари
Дресот кој Мајкл Џордан го носеше за време на последната финална плеј-оф серија во неговата кариера во НБА лигата е продаден за неверојатн 5 милиони долари.
Џордан со Чикаго булс освои шест шампионски титули, а последната ја освои во 1998 година кога во големото НБА финале ја совлада Јута џез со 4:2 во победи.
– Таа сезона 1997/98 е една од најпопуларните во кариерата на Мајкл Џордан и тогаш достигна височини кои многу спортисти можат да ги сонуваат. Таа сезона го обележи како шампион и најголем натпреварувач – вели Брем Вачер, шеф за продажба на облека и модерни колекционерски предмети.
Дресот кој Џордан го носеше на првиот натпревар од големото финале против Јута, е само еден од два кои некогаш се појавиле на аукција во организација на аукциската куќа „Сотбис“.
Дресот е продаден за неверојатни 5 милиони долари и е втор најскапо продаден дрес на една аукција.
Најскап дрес што „Сотбис“ го продал на аукција е тој на легендарниот аргентински фудбалер Диего Марадона што го носеше во финалето на Светското првенство во 1986 година. Дресот на Марадона беше продаден за 9,3 милиони долари.