Премиерата на претставата „Диши“ на сцената на Драмски театар во Скопје се одржа на 29 декември. Претставата е поставена по текстот „Диши“ (Бели дробови) од Данкан Мекмилан во режија на Димче Николовски-Димсата.

„Текстот на претставата беше прекрасен предизвик, кој не дозволуваше да му се доближиш без сериозно истражување на повеќе области при сценската реализација. Секое истражување мора во себе да содржи и преиспитување. Текстот како да живее низ преиспитување. Имаше прекрасен процес, супер соработници, едноставно уживање. Се надевам дека и публиката ќе почувствува барем еден дел од тоа наше уживање“, истакнува Димсата.

Ликовите во претставата ги играат Јасмина Василева и Димитрија Доксевски. Преводот на текстот е на Благоја Бошковски – Буцко, сценографијата е на Илија Николовски, а костимографијата на Раде Василев.

(Текстот е објавен во „Културен печат“ број 63, во новогодишниот број на печатеното издание на „Слободен печат“ на 31 декември 2020 – 3 јануари 2021)