Во Вашингтон се одржа последното збогување со поранешниот американски претседател Џими Картер. Таму беше собрана американската политичка елита, а присутни беа и Доналд и Меланија Трамп.

Новоизбраниот американски претседател пристигна во придружба на неговата сопруга, која не се појави покрај него од изборите. Но, таа сепак не можеше да ја пропушти оваа прилика и за неа избра внимателно скроен моден аутфит.

Веќе сме навикнати да ја гледаме Меланија во врвни модни изданија, во кои доминира префинетата елеганција, модерниот минимализам и умерениот луксуз.

Токму во таков стил таа се појави во катедралата на погребот на Картер, облечена во елегантен црн капут каков што ретко гледаме. Внимание привлече драматичната јака во контрастна бела боја со сив цветен дезен.