ДРАМА ВО САРАЕВО: Избегнат вооружен конфликт по доаѓањето на Ердоган на аеродромот – Слободен печат
ВестиРегион

ДРАМА ВО САРАЕВО: Избегнат вооружен конфликт по доаѓањето на Ердоган на аеродромот

Инцидентот бил потврден и од страна на директорот на Граничната полиција на БиХ, Зоран Галиќ.

По пристигнувањето на турскиот претседател Реџеп Таип Ердоган на меѓународниот аеродром во Сараево, за малку бил избегнат конфликт меѓу Граничната полиција на Босна и обезбедувањето на турскиот лидер, откако тој одбил да помине преку редовната процедура за аеродромска контрола, информираат босанските медиуми.

Инцидентот бил потврден и од страна на директорот на Граничната полиција на БиХ, Зоран Галиќ, кој го пофали професионализмот и реакцијата на припадниците на Единицата на граничната полиција на БиХ, истакнувајќи дека, сепак, се поминало без проблеми, иако за малку можело да дојде до вооружен конфликт.

–  Оние кои доаѓаат во БиХ мора да ги почитуваат законите на БиХ, а не да покажуваат дека се над нив, изјавил Галиќ, додавајќи дека членовите на Претседателството на БиХ кога патуваат во странство секогаш ги почитуваат законите на другите држави.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close