Драма во Нигерија | Киднапери го грабнаа и курирот што им донесе откуп за заробените деца: Само Господ може да ни помогне сега
Киднапери во Нигерија го грабнале и човекот кој бил испратен да им го достави откупот за да се ослободат десетици грабнати деца од училиште.
Постариот маж бил испратен од страна на родителите откако со продажба на земјата и друг имот успеале да соберат 30 милиони наири (75.000 долари), објави Би Би Си додавајќи дека сега, по грабнувањето и на курирот се чувствуваат безнадежно.
Киднапирањето деца од училиште стана редовна пракса на северот од земјата. Притоа, киднаперите бараат откуп, но ова е редок случај кога го заробиле и човекот кој им ги донел парите. Киднаперите му се јавиле и на директорот на училиштето за да му нагласат дека испратените пери не биле договорената сума.
Учениците, 136 на број се грабнати од исламско училиѓте во Тегина во државата Нигер.
Драмата започнала кога вооружените напаѓачи на мотори упаднале во градот и почнале да пукаат, при што едно лице е убиено, а едно е рането. При бегањето, влегле во училиштето и ги заробиле децата. Родителите и училишните администратори преговарале со криминалците и се договориле да платат откуп.
Продале дел од земјата на училиштето, но и други работи. Според директорот на училиштетот Малам Абубакар Алхасан, шест луѓе се испратени со точната сума за да се најдат со киднаперите. Кога стигнале, криминалците побарале само еден од нив за да им ги донесе сите пари за да ги пребројат.
Подоцна се јавиле и рекле дека сумата не е доволна.
Родителите сега се препуштени на судбината. Велат дека не можат да соберат повеќе пари. Сега се потпираат на Бога, вели директорот.
Од декември минатата година повеќе од илјада ученции се грабнати од училишта во северниот дел на Нигерија, а стотина деца и натаму се заробени.