Роднините и соседите на убиените Јастреб Асановиќ (38) и Иван Рониќ (19) од Књажевац, Србија, најавија дека ќе ја демолираат куќата на убиецот Ненад Рониќ (63), пренесува Курир.рс.

Полицијата веднаш реагирала, па едно полициско возило веќе е паркирано пред куќата на Ненад, која инаку била празна, пренесува споменатиот српски медиум.

За потсетување, Ненад синоќа ги уби зетот Јастреб и внукот Иван, а тешко ја повреди снаата Романа (20) и другиот внук во дворот на семејната куќа во Књажевац.

Злосторството, како што дознава Курир, се случило поради кавга меѓу Иван и неговиот братучет К.Р. кој Иван го претепал, по што лицето К.Р. му се пожалило на Ненад, а тој потоа ја земал пушката и го започнал крвавиот настан.

Рониќ по страшното злосторство ја фрлил пушката во дворот и побегнал во непознат правец, но полицијата потоа го уапсила.