Драма на отворено море кај Сицилија: Италијанските власти спречија германски брод да спасува мигранти
Во соопштението на крајбрежната стража се вели дека биле забележани 23 „неправилности”, а некои биле доволно сериозни да го задржат хуманитарниот брод „Си-еј 4″ во пристаништето Палермо се додека не се отстранат проблемите.
Минатиот месец, тој брод истовари повеќе од 400 мигранти пронајдени во шверцерски чамци на Средоземното Море во друго пристаниште на Сицилија.
Крајбрежната стража тогаш тврдеше дека бродот нема доволно опрема за спасување на повеќе од 27 лица во случај на несреќа на бродот.
Претседателот на хуманитарната организација „Си Ај”, на која и припаѓа бродот, Горден Ислер рече дека аргументот на крајбрежната стража е секогаш ист дека бродот спасува премногу луѓе од давење, иако нема доволно капацитет и потребните сертификати за таква намена.
– Нашиот капетан ја извршуваше својата должност на море на примерен начин. Тој беше сведок на несреќа на море и изврши безбедно спасување. Земјите од Европската унија можеа да научат нешто од тоа, рече тој, додавајќи дека биле спасени 408 лица, од кои 105 деца.
Ислер тврди дека инспекциите во основа се користат за да се спречат понатамошни мисии за спасување.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот