„Драги соседи, вечерва ќе има забава“: Еве брилијантна идеја како да го подмитите комшилукот (ФОТО)
Со комшилукот секогаш треба да бидете фини, бидејќи никогаш не се знае кога ќе ви затребаат јајца, масло, шеќер или пак рака за спас во итните случаеви. Но, понекогаш комшилукот треба и да го подмитите за ваше добро.
Во влезот на една зграда во Белград, еден станар наместо да стравува од соседите дека ќе викнат полиција поради прегласна музика, се водел по девизита – подобро да спречиш, отколку да лечиш. Го решил случајот на многу едноставен и симпатичен начин.
– Драги соседи, во четврток на 10 октомври ќе биде органзирана забава во мојот стан по повод роденден. Однапред ви се извинуваме за можната бука и ви се заблагодаруваме за разбирањето. Во знак на благодарност, мал знак на внимание. Пријатно.
Некои од соседите веќе се послужиле и сигурно дека тие нема да викнат полиција, а за останатите ќе дознаеме еден ден по забавата.