Драгана Ристова е поранешна репрезентативка на Македонија и има настапувано во РК Скопје, РК Ѓорче Петров, ЖРК Металург, ЖРК Будуќност Подгорица (клуб со кој го има освоено Купот на победниците на куповите).

Играчката кариера ја заврши во ЖРК Вардар, каде што подоцна ја започна тренерската работа.

Изминатите неколку сезони успешно го водеше првиот тим на ЖРК Вардар. Воедно е носител на мастер тренерска лиценца.

Во стручниот штаб на ЖРК Куманово уште ќе бидат Сашо Божиновски-тренер на голмани, Славиша Димитријески-помошен тренер и Воја Ангеловски физиотерапевт.

Од претходно се знае дека кумановки ќе играат во Европскиот ЕХФ Куп, а противник во второто коло ќе им биде израелскиот Макаби Рамат Ган. Натпреварите ќе се одиграат на 8/9 октомври, а реваншот е на 15/16 октомври 2022 година.