ДПИ: Четири угостителски објекти ќе добијат кривични пријави

Скопје / Фото: EPA-EFE/GEORGI LICOVSKI

Државниот пазарен инспекторат (ДПИ) во текот на вчерашниот ден извршил вкупно 524 контроли и 26 надзори во угостителски објекти во повеќе градови во државата. Контролите биле извршени по основ на придржување на објектите на пропишаните здравствени протоколи и пропишаното работно време.

-Утврдени се неправилности во четири угостителски објекти, коишто ги прекршиле протоколите. Поточно, во три објекта во Скопје и во еден во Битола, за што ДПИ ќе поднесе кривични пријави. Исто така, затекнати се два нерегистрирани објекти во Битола и Дебар, и еден објект во Скопје кој не го почитувал пропишаното работно време за што ќе се спроведе прекршочна постапка. Воедно изречени се две мерки за прекршок според Законот за угостителство на два угостителски објекти во Дебар и Скопје, информираат од кабинетот на заменик-претседателот на Владата задолжен за борба против корупција, одржлив развој и човечки ресурси, Љупчо Николовски.

Поединечно по градови, во Скопје биле извршени седум надзори, 230 контроли, при што ДПИ изрекол три кривични пријави, една прекршочна пријава и една мерка едукација (прекршок по Закон за угостителска дејност). Во Битола ДПИ спровел два надзора, 15 контроли, и изрекол една кривична пријава, и затекнат еден нерегистриран објект. Во Дебар, биле извршени седум надзори, затекнат бил еден нерегистриран објект и била изречена една мерка за прекршок по Закон за угостителство.

-Останатите надзори и контроли се спроведени во Прилеп, Делчево Кочани, Свети Николе, Струмица, Гевгелија, Тетово, Гостивар, Охрид, Струга и Куманово, при што од страна на ДПИ не се констатирани прекршувања на протоколите, велат од кабинетот на вицепремиерот.

-Со оглед на тоа дека од денеска заклучно со понеделник, 12 октомври, трае викендот без ДДВ, инспекциските служби на ДПИ во текот на денешниот ден и следните денови се постојано на терен и спроведуваат интензивни контроли, не само во делот на почитување на здравствените КОВИД протоколи, туку и во делот на тоа дали цените на производите воведени во трговските книги на трговците, соодветствуваат со истакнатите цени на производите, со цел да се спречат можни манипулации со цените на производите, се наведува во соопштението.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот